Rossiya harbiy delegatsiyasi O‘zbekistonga tashrif buyurdi

Rossiya qurolli kuchlar Bosh shtabi jangovar tayyorgarlik bosh boshqarmasi boshlig‘i general-leytenant Ivan Buvalsev boshchiligidagi harbiy delegatsiya O‘zbekistonga rasmiy tashrif bilan keldi. Bu haqda O‘zA deb xabar bermoqda.

Xabarda qayd etilishicha, O‘zbekiston Respublikasi va Rossiya Federatsiyasi o‘rtasidagi ikki tomonlama harbiy hamkorlik rejasiga asosan amalga oshirilgan tashrif davomida tegishli masalalar muhokama qilingan. Shuningdek, delegatsiya vakillari O‘zbekiston Qurolli Kuchlari akademiyasida bo‘lib, kadrlar tayyorlash jarayoni, yaratilgan sharoitlar bilan tanishdi.

I. Buvalsevning Rossiya qurolli kuchlarining jangovar tajribasi haqida akademiyada qilgan ma’ruzasi barcha harbiy okrug qo‘shinlariga onlayn tarzida uzatildi.