Jizzaxda 18 yashar qizni zo‘rlamoqchi bo‘lgan fermer qo‘lga olindi

Jizzax viloyatining Baxmal tumanida hamqishlog‘ini zo‘rlamoqchi bo‘lgan shaxs qo‘lga olindi. Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi ma’lum qildi.

Xabar berishlaricha, voqea Jizzax viloyatining Baxmal tumanida Saroy qishlog‘ida 20-mart kuni soat 16:00 lar atrofida yuz bergan.

Shu qishloqda yashovchi, “Sabrina Ravshanova” fermer xo‘jaligi raisi, 1987 yilda tug‘ilgan shaxs hamqishlog‘i — 18 yoshli qizni zo‘rlab nomusiga tegmoqchi bo‘lgan.

“Gumonlanuvchi qo‘lga olingan”, — deyiladi IIV axborotida. Vazirlik xabarida jabrlanuvchining ahvoli haqida qo‘shimcha axborot berilmagan.