Moskvada o‘z mushugini shafqatsizlik bilan o‘ldirgan erkak ustidan jinoiy ish qo‘zg‘atildi

Rossiyaning Moskva shahri politsiyasi o‘z mushugini tanasiga sakragani uchun metall quvur bilan urib o‘ldirgan 21 yoshli erkak ustidan jinoiy ish qo‘zg‘adi. Bu haqda “RIA Novosti” xabar berdi.

Prokurorlar tomonidan aniqlanishicha, 12-aprelda yigit o‘z uyida mushugini metall quvur bilan urib o‘ldirgan. Keyin esa uni paketga solib, yaqin atrofdagi xiyobonga olib borib tashlagan.

Yigitga nisbatan hayvonlarga ularning o‘limiga olib kelish bilan bog‘liq shafqatsiz munosabatda bo‘lish aybi qo‘yilgan. Ehtiyot chorasi sifatida uning yashash hududidan chiqib ketishi taqiqlangan.