Hindistonlik shifokor bemorlarni adashtirib, boshida jarohati bo‘lgan bemorning oyog‘ini teshib qo‘ydi

Hindistonda Deli davlat shifoxonasining katta shifokori tasodifan boshida jarohat bo‘lgan bemorning oyog‘ini operatsiya qildi, deb yozadi News 18.

Shifokor avariya oqibatida bosh va yuzi jarohatlangan bemorga shtift qo‘yish uchun oyog‘idan teshik ochdi. Shifoxona bosh shifokorining ma’lum qilishicha, jarayon narkoz ostida o‘tkazilganligi uchun bemor bunga hech qanday qarshilik ko‘rsata olmagan.

Shifoxona rahbariyati yuz bergan hodisadan xabar topishi bilan shtiftni olib tashlash bo‘yicha operatsiya o‘tkazildi. Xatoga yo‘l qo‘ygan shifokorga operatsiyani rahbariyat ishtirokida amalga oshirishga ruxsat berildi.