Superliga. “Paxtakor” bugun Toshkentda “Navbahor”ga qarshi maydonga tushadi, “Qo‘qon-1912” esa Jizzaxga safar qiladi

Kecha, 24-aprel sanasida futbol bo‘yicha O‘zbekiston Superligasining 8-tur bahslari boshlandi.

Farg‘onada “Neftchi” Bekobodning “Metallurg” jamoasi bilan golsiz durangga rozi bo‘lgan bo‘lsa, “Buxoro” o‘z maydonida “Qizilqum”ni mag‘lub etishga erishdi.

Bugun, 25-aprel sanasida yana ikki uchrashuv bo‘lib o‘tadi.

Turning markaziy o‘yinlaridan biri Toshkentda “Paxtakor” hamda Namanganning “Navbahor” jamoalari o‘rtasida kechadi. Bellashuv 18:30 da boshlanadi. Sport-TV mazkur o‘yinni jonli translyatsiya qilishni rejalashtirgan.

Ikkinchi uchrashuv Jizzaxda “So‘g‘diyona” hamda “Qo‘qon-1912” jamoalari o‘rtasida bo‘lib o‘tadi. Bellashuv 20:30 da boshlanishi belgilangan. Bu uchrashuvni ham Sport-TV mazkur o‘yinni jonli translyatsiya qilishni rejalashtirgan.

Superliga

8-tur bellashuvlari

25-aprel, chorshanba