Bugun “Bunyodkor” Qo‘qonda mehmon bo‘ladi, “Nasaf” esa “So‘g‘diyona”ni qabul qiladi

Kecha, 29-aprel sanasida futbol bo‘yicha O‘zbekiston chempionatining 9-tur bahslari boshlandi.?

Turning dastlabki o‘yini Bekobodda bo‘lib o‘tdi. Unda mezbon “Metallurg” “Buxoro”ga qarshi maydonga tushib, 2:1 hisobidagi g‘alabani tantana qildi.

Ikkinchi o‘yin vodiyda “Navbahor” hamda “Neftchi” o‘rtasida kechdi. Bellashuv tomonlarning 1:1 hisobidagi durangi bilan yakunlandi.

Turning markaziy o‘yini “Lokomotiv” va “Paxtakor” jamoalari o‘rtasida bo‘lib o‘tdi. Uchrashuvda hisob ochilmadi.

Bugun 9-tur doirasida yana 3 ta uchrashuv bo‘lib o‘tadi.

Jumladan, Navoiyda “Qizilqum”  Olmaliqning AGMK jamoasini qabul qiladi. Bellashuv 18:00 da boshlanishi belgilangan.

Qo‘qonda “Qo‘qon-1912” jamoasi Mirjalol Qosimov boshchiligidagi “Bunyodkor”ga qarshi bahs olib boradi. Bu o‘yin ham 18:00 da boshlanadi.

Turning so‘nggi o‘yini Qarshida “Nasaf” hamda Jizzaxning “So‘g‘diyona” jamoalari o‘rtasida kechadi. Uchrashuv 20:00 da boshlanishi rejalashtirilgan.

Pepsi Superliga

9-tur bellashuvlari

29-aprel, yakshanba

Gollar: 0:1 — 48 Shavkat Salomov, 1:1 — 56 Zohid Abdullayev, 2:1 — 58 Zabihillo O‘rinboyev?

Gollar: 0:1 — 69 Xurshid Asqaraliyev. 1:1 — 84 Sardor Sulaymonov.?

30-aprel, dushanba