Rossiya eksport markazi shu yil Toshkentda o‘z vakolatxonasini ochadi

O‘zbekistonda Rossiya eksport markazining rasmiy vakolatxonasi yaqin orada ochiladi, deb yozadi Sputnik ushbu vakolatxona rahbari Dmitriy Proxorenkoga tayanib. Muassasa o‘tgan yildayoq ro‘yxatdan o‘tkazilgan edi.

“Biz belgilangan vaqt doirasidan chiqib ketdik, chunki Rossiyada siyosiy o‘zgarishlar bormoqda. Hozir biz vakolatxonani ochish uchun rahbariyatimizdan kimdir kelishini kutyapmiz. Hozircha buni taxminan  yilning birinchi yarmida, ehtimol mayda amalga oshirishni rejalashtiryapmiz”, — dedi Proxorenko.

Uning so‘zlariga ko‘ra, ayni vaqtda Rossiya eksport markazi O‘zbekiston bilan aloqalarni faol rivojlantirmoqda. Rossiya tuzilmasi Respublika bilan qo‘shma loyihalar sonini faqat oshirishni rejalashtirmoqda.

“Bu O‘zbekistonda rivojlanish uchun salohiyatni ko‘rayotganimizning belgisidir, ehtimol, mahalliy vazirliklar va idoralar bilan o‘zaro aloqalarimiz yaxshi oqimda bormoqda. Bu yerda loyihalar soni o‘sishini tushungan holda, vakolatxona ochishga qaror qildik”, — deya qayd etdi Proxorenko.