Eron prezidenti: Telegram’ning bloklanishi sud organlarining “buyurtma qaroridir”

Eron prezidenti Hasan Ruhoniy mamlakatda Telegram messenjerining bloklanishi sud organlarining “buyurtma qarori” ekanligini, hukumat bu kabi qarorni qabul qilmaganini aytdi, deb xabar beradi “Korrespondent.net”.

“Agarda odamlarning o‘zaro aloqasini cheklash yoki bloklash borasida oliy darajada qaror qabul qilinganida bu haqda mamlakatning asl egalari — xalq bilishi kerak edi. Bugunga qadar birorta ijtimoiy tarmoq yoki messenjer hukumat tomonidan bloklangani yo‘q va bloklanmaydi ham”, — deb yozadi Ruhoniy o‘zining Instagram’dagi sahifasiga.

Eslatib o‘tamiz, 30-aprel kuni Eron sud organlari Telegram messenjerini bloklash haqida qaror qabul qilgan.