Venesuela saylov byulletenlariga amaldagi prezident Nikolas Maduroning 10 ta surati joylashtirildi

Venesuela milliy saylov kengashi 20-may kuni bo‘lib o‘tadigan prezident saylovida saylovchilarga tarqatiladigan saylov byulletenlari namunasini namoyish etdi. Bu haqda “RIA Novosti” xabar bermoqda.

Byulletenda nomzodlarning surati ularni nechta partiya qo‘llab-quvvatlagan bo'lsa, shuncha marta joylashtirilgan. Saylovda jami besh nomzod ishtirok etadi.

Byulletenda amaldagi prezident Nikolas Maduroning 10 ta, Enri Falkonning 4 ta, qolgan nomzodlar — Reynaldo Kixada, Luis Ratti, Xaver Bertuchchining bittadan suratlari berilgan.

Tadqiqotchilarning fikricha, saylovda Maduro va Falkon asosiy raqiblar bo‘ladi.