O‘zbekistonda tug‘uruqxonalarni jihozlashga 50 million AQSh dollari ajratildi

5-may, shanba kuni Samarqandda “Akusherlik va ginekologiyaning dolzarb masalalari. Muammolar va ularni yechish yo‘llari” mavzusida respublika konferensiyasi bo‘lib o‘tdi. Bu haqda “Daryo” muxbiri xabar bermoqda.

Konferensiya Sog‘liqni saqlash vazirligi va Respublika istisoslashtirilgan akusherlik va ginekologiya ilmiy-amaliy tibbiyot markazi tomonidan tashkil qilindi.

Tadbirda ta’kidlanishicha, 2018-yili tug‘uruqxonalarni jihozlashga 50 million AQSh dollari ajratilgan. 2017-yil sohaga sarflangan mablag‘ 17 million AQSh dollarini tashkil qilgan.

“Sog‘lom ona va bola yili” Davlat dasturini amalga oshirish uchun davlat 194 million AQSh dollari, homiylar 3 million AQSh dollari, xalqaro tashkilotlar 188 million AQSh dollari ajratgan.