Gavayi orollarida favqulodda holat e’lon qilindi

Gavayi gubernatori Devid Ige oroldagi Puna hududini Kilauea vulqonining otilishi tufayli tabiiy ofat zonasi deb e’lon qildi. Bu haqda “Korrespondent.net” xabar berdi.

“Puna geotermal zonasida favqulodda holat. Gavayi oroliga tabiiy ofat sababli yordam ajratilishini so‘rab AQSh prezidentiga murojaat yubordik”, ? deydi shtat gubernatori.

Eslatib o‘tamiz, Gavayida Kilauea vulqonining otilishi oqibatida 30 dan ortiq uy vayron bo‘lgan edi.