Qashqadaryoning Jillisuvi suv ostida qoldi (foto)

Qashqadaryo viloyatining Kitob tumanida 14-may kuni kuchli yomg‘ir keltirib chiqargan sel oqibatida “Jillisuv” aholi punktida 4 ta xo‘jalikni suv bosdi. Bu haqda FVV axborot xizmati xabar bermoqda.

Qashqadaryo viloyati FVB boshchiligida hududiy FVDT xizmatlari kuch-vositalarini jalb qilgan holda ko‘cha va ariqlar, shuningdek, “Jillisuv” mahallasi hududining ichki irrigatsiya tizimlarini tozalash ishlari amalga oshirildi.

Tabiiy ofat oqibatlarini bartarf etishga Qashqadaryo viloyatining hududiy FVDT xizmatlaridan 81 kishi, 5 ta texnika jalb qilindi.

Sel oqibatida jabrlangan va halok bo‘lganlar haqida ma’lumotlar kelib tushmadi.