Toshkent viloyatida Ug‘om-Chotqol davlat biosfera rezervati tashkil etildi

“Ug‘om-Chotqol davlat biosfera razervatini tashkil etish to‘g‘risida”gi hukumat qarori qabul qilindi. Bu haqda Adliya vazirligining Telegram’dagi “Huquqiy axborot” kanali orqali ma’lum qilindi.

Qarorga muvofiq:

- Toshkent viloyatining Bo‘stonliq, Ohangaron va Parkent tumanlari hududlarida umumiy maydoni 42952,81 gektar bo‘lgan Ug‘om-Chotqol davlat biosfera rezervati tashkil etildi;

- biosfera rezervati “O‘zbekiston temir yo‘llari” AJ yurituvida bo‘lishi hamda uning qo‘riqlash xodimlari tegishli huquqlar va imtiyozlar berilgan holda ekologiya va atrof muhitni muhofaza qilish bo‘yicha davlat inspektorlariga tenglashtirilishi belgilandi.