Polsha o‘zbekistonlik 3 ming nafar quruvchini ishga qabul qilish imkoniyatini ko‘rib chiqadi

O‘zbekiston bandlik va mehnat munosabatlari vazirligi delegatsiyasi Polshada mahalliy kompaniyalar rahbarlari bilan mamlakatda O‘zbekiston fuqarolarini ishga joylashtirish masalalarini muhokama qildi. Bu haqda Sputnik xabar bermoqda.

Muzokaralar yakuni bo‘yicha O‘zbekiston tomoni va Polshaning 10 kompaniyasi hamkorlik haqidagi memorandumni imzoladi. Mazkur kompaniyalar qurilish, to‘qimachilik, qishloq xo‘jaligi va oziq-ovqat sanoati sohalari ixtisoslashgan.

Shuningdek, Polsha o‘zbekistonlik 3 ming nafar quruvchini ishga qabul qilish imkoniyatini ko‘rib chiqadi.

Ma’lumot uchun, o‘tgan yili Polshada o‘zbekistonliklarga 1200 dan ortiq ishchi vizasi berilgan. Bu mazkur mamlakatda berilgan ruxsatnomalar orasida 11-o‘rinni anglatadi.