Olmaotada yo‘lovchi avtobus yonib ketdi

Qozog‘istonning Olmaota viloyatidagi Olmaota—Ostona avtomagistralida yo‘lovchi tashuvchi avtobus yonib ketdi, deb xabar beradi “Kazinform”.

Hodisa 22-may kuni soat 22:00 atrofida trassaning 56-kilometrida yuz berdi. “Chapayevo qishlog‘i yaqinida Jezqozg‘on—Olmaota yo‘nalishida harakatlanayotgan Van Hool rusumli avtobus yonib ketdi. 22:24 da boshlangan yong‘in 23:10 da o‘chirildi”, — deyiladi xabarda.

Avtobus ichida sakkiz kishi bo‘lgan. Ular yong‘in oqibatida jarohat olmagan.