Telegram App Store’ning O‘zbekiston segmentida “Yandeks Taksi”ni birinchi o‘rindan tushirdi

Telegram dasturi App Store’ning O‘zbekiston segmentida “Yandeks Taksi”ni birinchi o‘rindan tushirdi. Bu haqda Spot xabar bermoqda.

Joriy yilning 7-mayidan buyon dastur birinchi marta iOS foydalanuvchilari orasida eng ko‘p yuklanadigan bo‘ldi.

Telegram vaqtincha uchinchi o‘ringa va undan pastroqqa ham tushgan. Bu vaqt ichida birinchi o‘rinni “Yandeks Taksi” egallagan, endi esa u ikkinchi qatordan joy oldi. Birinchi beshtalikdan Instagram, imo va ShareIT joy olgan.

Telegram’ning yetakchilikka qaytishi may oyida dasturda jiddiy uzilishlar kuzatilmagani bilan izohlanmoqda. Aprel oyida bir necha marta O‘zbekistonda soatlab dasturga kirib bo‘lmay qolgan.