Qur’on musobaqasi g‘oliblari Umra safariga jo‘nab ketdi

Bugun, 6-iyun kuni Toshkent xalqaro aeroportida Umra ziyoratiga otlangan bir guruh fuqarolarni kuzatish marosimi o‘tkazildi, deb xabar beradi O‘zbekiston Musulmonlari idorasi matbuot xizmati.

O‘zbekiston Qur’on musobaqasining Respublika bosqichi g‘oliblari ham mazkur guruh a’zolari safida Umra ziyoratiga jo‘nab ketdi.

Eslatib o‘tamiz, Qur’on musobaqasining Hifz yo‘nalishida 1-o‘rin sohiblari ota-onasi bilan, tilovat yo‘nalishida esa 1-o‘ringa sazovor bo‘lganlar hamrohi bilan Umra safariga borishi uchun imkoniyat berilishi haqida xabar berilgandi.