Strasburgda yuz bergan portlash oqibatida 11 kishi jabrlandi

Strasburgda 6-iyun, chorshanba kuni silos minorasida portlash yuz berdi, shundan so‘ng yong‘in boshlandi, deb yozadi “Korrespondent.net”.

Portlash vaqtida, dastlabki ma’lumotlarga ko‘ra, 11 kishi jabrlangan. Ular shifoxonaga yotqizilgan.

Yong‘in 2 500 kvadrat metrdan ortiq maydonga tarqalganligi ta’kidlanmoqda.

Hodisa joyiga 70 dan ortiq o‘t o‘chiruvchi yuborilgan.

Guvohlar suratlarida binodan quyuq tutun ko‘tarilayotganligini ko‘rish mumkin.