Toshkentdagi bozor avtoturargohidan 18 mln so‘mni olib ketgan o‘g‘ri ushlandi

11 iyun kuni Toshkent shahrining Chilonzor tumanida noma’lum shaxs OAJ “Chilonzor buyum savdo kompleksi”ning avtoturargohida o‘g‘irlikka qo‘l urdi. Bu haqda IIV jamoatchilik va OAV bilan aloqalar boshqarmasi xabar berdi.

U R.E. tomonidan qarovsiz qoldirilgan Nexia rusumli mashina eshigi ochiq qolganligidan foydalanib, o‘rindiq ustidan ichida 18,5 million so‘m bo‘lgan sumkasini o‘g‘irlab ketadi.

Ko‘rilgan choralar natijasida ushbu jinoyatni Buxoro viloyati Jondor tumanida yashovchi muqaddam sudlangan Z.E. sodir etganligi aniqlanib, ushlandi.