Ukrainada kollektor uchun qazilgan xandaqdan Ikkinchi jahon urushiga oid 33 ta mina topildi

Ukrainaning Chernigov shahrida kollektor o‘tkazish uchun xandaq qazilayotgan vaqtda Ikkinchi jahon urushi davriga oid 33 ta minaga duch kelindi. Bu haqda “Korrespondent.net” xabar berdi.

Xavfli hudud milliy politsiya tomonidan qo‘riqlovga olingan. Voqea joyiga yetib kelgan mutaxassislar minalarning Ikkinchi jahon urushi davriga oid 82 millimetr kalibrli ekanligini aniqlagan.

Atrofdagi hududni tekshirish vaqtida qutqaruvchilar o‘q-dori zaxirasini, xususan 82 va 50 millimetr kalibrli 33 ta minomyot minasini aniqlagan.

Shoshilinch ishlar olib borilganidan so‘ng portlovchi qurilmalar shahardan tashqariga maxsus avtomobillarda olib chiqilgan va yo‘q qilingan.