O‘zbekiston mart oyida ikkita Talgo tezyurar poyezdini xarid qilishi kutilmoqda

“O‘zbekiston temir yo‘llari” Ispaniyaning Patentas Talgo kompaniyasi ishlab chiqargan yuqori tezlikda harakatlanuvchi poyezdlardan ikkitasini xarid qiladi. Bu haqda “Novosti Uzbekistana” xabar bermoqda.

Talgo 250 rusumidagi yo‘lovchi elektropoyezdlarining xaridi 2017-yil mart oyida amalga oshirilishi kutilmoqda.

Hozirda O‘zbekiston shaharlari bo‘ylab Patentes Talgo tomonidan Talgo 250 negizida maxsus ishlab chiqilgan 2 ta “Afrosiyob” poyezdlari qatnamoqda.

Poyezdlar 2011-yil oktabridan Toshkent va Samarqand oralig‘ida harakatlangan bo‘lsa, 2015-yil sentabridan Qarshi shahrigacha, 2016-yil sentabridan esa Buxorogacha qatnay boshladi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.