“Mallasoch Sonya” filmida o‘ynagan daniyalik aktrisa 54 yoshida beshinchi marta ona bo‘ldi

“Mallasoch Sonya” filmi orqali tanilgan daniyalik aktrisa va qo‘shiqchi Brigitta Nilsen 54 yoshida beshinchi farzandini dunyoga keltirdi, deb xabar beradi People.

Qizaloqqa Frida deb ism qo‘yishdi. Uning og‘irligi 2,4 kilogrammga teng.

Nilsen besh marta turmush qurgan. Uning sobiq turmush o‘rtoqlari orasida aktyor Silvestr Stallone ham bor. Ularning nikohi ikki yil davom etgan, ammo farzand ko‘rmagan.

“Mallasoch Sonya” filmi 1985-yilda suratga olingan. Kartinada Nilsenning sherigi Arnold Shvarsenegger bo‘lgan.