GM Uzbekistan Tojikistonga 1,3 million dollarlik avtomobil eksport qildi

Bugungi kungacha GM Uzbekistan Tojikistonga qiymati 1,3 million dollardan ortiq bo‘lgan avtomobillar eksportini amalga oshirdi. Bu haqda “O‘zavtosanoat” AJ matbuot xizmati xabar berdi.

2017-yili Dushanbe shahrida tashkil qilingan Made in Uzbekistan ko‘rgazmasi va O‘zbekiston–Tojikiston biznes-forumi doirasida o‘zbek avtomobili Tojikistonda ilk bor namoyish etilgan.

2017-yilning sentabr oyida Tojikistonda Ravon saloni tashkil qilinib, Damas, Labo, Spark, Cobalt, Gentra hamda Nexia rusumli avtomobillar savdosi yo‘lga qo‘yildi.

Tojikistonning boshqa hududlarida ham o‘zbek avtomobili savdosini amalga oshiruvchi avtosalonlar ochilishi rejalashtirilmoqda.