O‘zbekistonda 101 davlat fuqarolari 5 kungacha vizasiz qolishi mumkin

Elektron viza 30 kun davomida O‘zbyekiston hududida bo‘lish huquqini beradi va undan taqdim etilgan kundan boshlab 90 kun ichida foydalanish mumkin. Bu O‘zbekiston Prezidentining chet el fuqarolarini mamlakatga kirish tartibini yanada takomillashtirish to‘g‘risidagi qarorida ko‘zda tutilgan, deya xabar beradi “Xalq so‘zi”.

Viza olish uchun murojaat yuborilgan kundan tashqari 2 kun ichida ko‘rib chiqiladi. Murojaatlarni ko‘rib chiqish uchun 20 AQSh dollari miqdorida boj to‘lanadi.

Qarorda 15-iyuldan boshlab O‘zbekistondagi xalqaro aeroportlar orqali uchinchi tomonga tashrif buyurmoqchi bo‘lgan 101 davlat fuqarolari 5 kungacha O‘zbekistonda vizasiz qolishi mumkinligi belgilab qo‘yilgan.