O‘rtachirchiqda qo‘shni ayolning uyiga bostirib kirib, pichoq o‘qtalgan bosqinchi qo‘lga olindi

Toshkent viloyatining O‘rtachirchiq tumanida 2-iyul kuni bosqinchilik qayd etildi. Bu haqda IIV jamoatchilik va OAV bilan aloqalar boshqarmasi xabar berdi.

Shu kuni noma’lum shaxs yuzini mato bilan to‘sib, “Oq ota” MFYda yashovchi D.A. ismli ayolning uyiga devor oshish yo‘li bilan bostirib kirib, uni pichoq bilan qo‘rqitadi. Shundan so‘ng uydagi zargarlik buyumini olib, voqea joyidan yashirinadi.

Ko‘rilgan choralar natijasida ushbu jinoyatni D.A.ning qo‘shnisi O.M. sodir etganligi aniqlandi. Bosqinchi qo‘lga olindi.