Andijonda 200 kishini zaharlagan muzqaymoq sotilgan kafening egasi jazolandi

Andijonda 200 kishini zaharlagan muzqaymoq sotilgan kafening egasi jazolandi. Bu haqda “RIA Novosti”ga tayanib, Uz24 xabar berdi.

Andijonda may oyining o‘rtalarida 200 dan ortiq kishi muzqaymoq yeb zaharlangan. 186 kishi oziqaviy zaharlanish tufayli shifoxonaga yotqizilgan. 5 kishining ahvoli og‘ir deb baholangan.

Sud kafe egasiga 5 yil muddatga ozodlikdan mahrum qilish jazosini tayinlagan. Biroq shartli ravishda jazo 2 yillik sinov muddatiga almashtirilgan.

Tergov natijasida kafening tegishli ruxsatnomalarsiz faoliyat olib borgani ayon bo‘lgan. Shuningdek, kafeda idishlar va muzqaymoq tayyorlovchi uskunani tozalash me’yorlariga amal qilinmagani aniqlangan.