Armaniston sobiq prezidenti 2 oyga qamaldi

Armanistonning sobiq prezidenti Robert Kocharyan 2008-yil 1-mart namoyishlarini bostirish ishi bo‘yicha 2 oyga qamoqqa olindi. Bu haqda “Interfaks”ga tayanib, “Korrespondent.net” xabar bermoqda.

Yerevanning birinchi instansiya sudi Armaniston maxsus tergov xizmatining Robert Kocharyanni hibsga olish haqidagi da’vosini qondirdi.

Eslatib o ‘tamiz, Robert Kocheryan (1998-2008–yillarda Armaniston prezidenti) konstitutsion tuzumni ag‘darishda ayblanmoqda. Armaniston sobiq yetakchisiga 2008-yil 1-mart kuni bo‘lib  o‘tgan prezidentlik saylovlaridan keyingi namoyishlarni bostirish ishi bo‘yicha ayb qo‘yilgan. Shu paytga qadar Kocheryan tergov ishida faqatgina guvoh sifatida qatnashgan.