Sergeli tumanidagi yog‘och uylardan birida yong‘in sodir bo‘ldi

Toshkent shahar IIBB YoXBga 29-iyul kuni soat 18:04 da Sergeli tumani, Sputnik-8 dahasidagi 58-uyda (tumandagi yog‘och uylardan biri) yong‘in sodir bo‘lgani haqida xabar kelib tushdi.

O‘t o‘chiruvchilar guruhi voqea joyiga sanoqli daqiqalarda yetib bordi. Bu yerda yong‘in 2 qavatli uyning 1-qavatida kelib chiqqani maa’lum bo‘ldi.

Tezkor guruhning sa’y-harakatlari bilan yong‘in soat 18:26 da to‘liq bartaraf etildi. Qurbonlar yo‘q, uy egasi, 63-yoshli Ye. Alevtina ham jarohat olmagan.

Yuqori qavatda yashovchi qo‘shni, 70 yoshli B.Vladimirning oyog‘i evakuatsiya vaqtida yengil jarohatlangan va zudlik bilan kasalxonaga olib ketilgan.

Boshqa qo‘shni xonadonlardagi 4 nafar kishi o‘t o‘chiruvchilar yordamida qutqarib qolindi.

Yong‘inga o‘chirilmagan sigareta sabab bo‘lgani taxmin qilinmoqda.