Surxondaryolik fuqaro do‘kondan sotib olgan elektr hisoblagich soxta bo‘lib chiqdi

Surxondaryo viloyati Denov tumanida yashovchi fuqaro tuman iste’molchilar huquqlarini himoya qilish jamiyatiga ariza bilan murojaat qildi, deb yozadi O‘zA.

“Murojaatda keltirilishicha, iste’molchi tuman markazidagi savdo do‘konlarining biridan 380 000 so‘mga elektr hisoblagich sotib olgan. Hisoblagichni standart ko‘rigidan o‘tkazmoqchi bo‘lib tekshirtirganda, uskuna ro‘yxatdan o‘tmagan, ya’ni soxta bo‘lib chiqqan. Biroq, sotuvchi bu vajni rad etib, hisoblagichni almashtirib berishdan bosh tortgan”, — deyiladi xabarda.

Murojaat jamiyat mutaxassislari tomonidan o‘rganilib, sotuvchiga qonuniy tushuntirish berildi va hisoblagich boshqasiga almashtirildi.