Rasman: “Barselona” himoyachisi Luka Din “Everton”ga ko‘chib o‘tdi

“Barselona”ning fransiyalik himoyachisi Luka Din faoliyatini Angliya premyer-ligasida davom ettiradigan bo‘ldi. “Everton” futbolchini sotib olganini rasman e’lon qildi.

Unga ko‘ra 25 yoshli Luka “Everton” bilan 2023-yilgacha shartnomaga imzo chekkan. Transfer summasi ochiqlanmagan.

Avvalroq “Everton” kataloniyaliklar g‘aznasiga futbolchi uchun 20 million yevro atrofida mablag‘ o‘tkazilishi haqida xabarlar berilgandi.

“Everton” — ulkan tarixga ega, katta klub. Men futbol o‘ynashni, g‘alaba qozonishni va sifatli futbol bilan muxlislarni xursand qilishni xohlayman”, — deydi “Everton”ning yangi a’zosi.

Ispaniya La Ligasining o‘tgan mavsumida Din “Barselona” safida 12 ta uchrashuvda (shundan 8 tasi asosiy tarkibda) maydonga tushib, 2 ta golli uzatmani amalga oshirgandi. Ma’lumot uchun 2016-yilda “Barselona” futbolchini PSJdan 16,5 million yevro evaziga sotib olgan edi.