“Barselona” “Gremio”dan 21 yoshli yangi iqtidorni sotib oldi

“Barselona” Braziliyaing “Gremio” klubidan yarim himoyachi Artur Ramos sotib oldi. Bu haqda klub rasmiy saytida xabar berildi.

Kataloniya klubi 21 yoshli Artur uchun 31 million yevro to‘lagani aytilmoqda. Bundan tashqari futbolchining turli erishadigan natijalar turfayli bu mablag‘ 9 million yevroga ko‘payishi mumkin.

Artur “Barselona” bilan 6 yillik shartnomaga imzo chekkan. Uning shartnomadagi tovon puli esa 400 million yevro qilib belgilandi.

Futbolchi o‘tgan mavsum “Gremio” safida 7 ta uchrashuvda maydonga tushgan. Ularda 1 ta gol urib, 1 ta golli uzatmani amalga oshirgan.