Qozog‘istonliklar “chiroyli” raqamlarga so‘nggi 6 oy ichida qariyb 6 mln dollar sarfladi

Qozog‘istonliklar so‘nggi yarim yil ichida o‘z avtomobillari uchun “chiroyli” raqamlar sotib olishga qariyb 2 milliard tenge (5,7 million dollar) sarflagan, deb yozadi “Nur.kz” “Hukumat fuqarolar uchun” davlat korporatsiyasi vakili Murat Jumanbayga tayanib.

Uning so‘zlariga ko‘ra, so‘nggi 6 oy mobaynida qozog‘istonliklar 1 913 267 539 tengega teng 7775 ta VIP raqamlarni xarid qilgan, o‘tgan yilning shu davrida esa 587 406 055 tengelik 1574 ta raqam sotilgan edi.

Dabdabali avtomobil raqamlarining ko‘pchiligi — 3232 tasini olmaotaliklar sotib olgan.