?Ektor Kuper O‘zbekistonga 3 nafar yordamchisi bilan keladi. Uning asosiy vazifasi jamoani JCh—2022 ga olib chiqish

Avvalroq argentinalik futbol mutaxassisi Ektor Kuper rasman O‘zbekiston milliy terma jamoasining bosh murabbiyi etib tayinlangani haqida xabar berilgan edi. O‘zbekiston terma jamoasini oldinda Osiyo kubogi—2019 bahslari kutib turibdi.

O‘FA matbuot xizmatining qayd etishicha, Ektor Kuperga terma terma jamoani Osiyo kubogida olib borish bilan vazifasi qo‘yilgan. Shu bilan birga u terma jamoaning Qatarda bo‘lib o‘tadigan Jahon Chempionati saralash bosqichida muvaffaqiyatli qatnashishini ta’minlashi lozim.

Unga bu yo‘lda ikki nafar bosh murabbiy assistentlari —56 yoshli argentinalik Xose Karlos Fantagussi va 37 yoshli gretsiyalik Antonio Sarioglu beradi. Shuningdek, 36 yoshli misrlik Mahmud Fayoz Muhammad Shudaf jismoniy tayorgarlik bo‘yicha murabbiy yordamchisi sifatida O‘zbekistonga keladi.

Ta’kidlanishicha, Ektor Kuper faqatgina milliy terma jamoa bilan cheklanib qolmasdan, barcha yoshdagi terma jamoalar bilan parallel ish olib borishi, ulardagi milliy terma jamoaga nomzod futbolchilarning jismoniy va ruhiy holatlaridan muntazam xabardor bo‘lishi uchun yuqorida nomlari qayd etilgan yordamchilar ko‘maklashadi.

Mavzuga doir: Ektor Kuperga qadar O‘zbekiston terma jamoasida kimlar ishlab ketdi? (ro‘yxat)