Murodjon Ahmadaliyevning prof ringdagi 4-jangi sanasi ma’lum, raqib Chilidan

Boks bo‘yicha Olimpiya o‘yinlari va jahon chempionati sovrindori Murodjon Ahmadaliyevning navbatdagi raqibi va jang sanasi ma’lum bo‘ldi. Bu haqda Milliy olimpiya qo‘mitasi matbuot xizmati xabar berdi.

Unga ko‘ra, o‘zbekistonlik bokschi 23-avgust kuni AQShning Los-Anjeles shahrida chililik Ramon Kontrerasga qarshi ringga ko‘tariladi.

Ma’lumot uchun, Ahmadaliyev bungacha uchta jang o‘tkazib, ularning barchasida g‘alaba qozongan (2tasi nokaut bilan). Kontreras esa prof ringda 21 marotaba ringga ko‘tarilib, ularning 15 tasida g‘olib bo‘lgan (6 tasi nokaut bilan). 6 ta jangda esa mag‘lubiyat alamini totib ko‘rgan (5 tasi nokaut bilan).