“Islomxo‘ja” tarixiy filmi uchun Kremldan xon taxti keltirilganmi?

Xalqaro press-klubda 15-avgust kuni “Milliy kinoindustriyani rivojlantirish: tarixiy an’analar, muammolar, yangicha badiiy sifatida va maqsadli sarmoyalar” mavzusida anjuman o‘tkazildi. Anjumanda “Islomxo‘ja” tarixiy filmi rejissori Jahongir Ahmedov ishtirok etdi, deb yozadi O‘zA.

Rejissorning aytishicha, filmni suratga olishda Xiva xonligi taxtining asl nusxasini topish uchun Rossiya Madaniyat vazirligiga murojaat etilgan. Taxtning asl nusxasi Kremlda saqlanayotgan ekan.

Film uchun taxtning aslidan nusxa ko‘chirib ishlangan. Jahongir Ahmedov kelajakda ushbu taxtning asli O‘zbekistonga qaytarilsa yaxshi bo‘lishini ta’kidladi.

Ushbu filmning yopiq taqdimoti bugun, 15-avgust kuni bo‘lib o‘tishi kutilayotgan edi.