Yoshlar Ittifoqi rahbariyatida o‘zgarishlar yuz berdi

O‘zbekiston Yoshlar Ittifoqi Markaziy kengashi rahbariyatida o‘zgarish ro‘y berdi. Bu haqda “Xabar.uz” xabar bermoqda.

Ma’lum bo‘lishicha, “Kamalak” bolalar tashkiloti bo‘yicha o‘rinbosar lavozimi tugatilgan; bu lavozimda Murod Zufarov faoliyat yuritayotgan edi.

Ayni vaqtda, kadrlar masalasi bo‘yicha o‘rinbosar hisoblangan O‘tkir Shukurov Markaziy kengash raisining birinchi o‘rinbosari etib tayinlangan.

Tashkilot raisining avvalgi birinchi o‘rinbosar Odil Tojiyev bir muddat avval Toshkent viloyati hokimi o‘rinbosari etib tayinlangani xabar qilingan edi.