Malayziyaning Shimoliy Koreyadagi elchisi vataniga chaqirtirib olinmagani ma’lum bo‘ldi

Malayziyaning Shimoliy Koreyadagi Muhammad Nizom Muhammad ayni paytda Pxenyanda bo‘lib turibdi. Bu haqda uning o‘zi ma’lum qildi, deya xabar beradi “TASS”. 

“Men avvalgidek Pxenyanda o‘z vazifalarimni bajaryapman”, — deya ta’kidladi elchi. 

Ayrim xorijiy, jumladan, Malayziya OAVlari KXDR yetakchisi akasi Kim Chоn Namning o‘limi tafsilotlari o‘rganilayotgani munosabati bilan elchi Malayziyaga chaqirib olingani haqida xabarlar tarqatgandi. 

KXDR matbuoti mazkur hodisa haqida sukut saqlashda davom etmoqda. Ko‘p yillar xorijda istiqomat qilgan Kim Chоn Nam haqida bu yerda deyarli hech narsa ma’lum emas. Mahalliy OAV tomonidan Kim Chоn Inning akasi nomi hech qachon tilga olinmagan.