Abdulla Aripov tez kunlarda ochiladigan Jurnalistika universitetini borib ko‘rdi

O‘zbekiston bosh vaziri Abdulla Aripov tez kunlarda ochilishi rejalashtirilgan Jurnalistika va ommaviy kommunikatsiyalar universitetida bo‘ldi. Bu haqda oliy o‘quv yurti rektori Sherzod Qudratxo‘jayev ma’lum qildi.

“Ta’lim jarayoni, yangi innovatsion texnologiyalarni joriy etish, talabalarga qulay sharoitlar yaratish va boshqa qator masalalar xaqida yurakdan va batafsil gaplashdik.

Tantanali kun esa tobora yaqin yaqinlashmoqda. 40 dan o‘tib 41 ga yaqinlashmoqdamiz”, — deya yozuv qoldirgan Qudratxo‘jayev Facebook’dagi sahifasida.

Bosh vazirga Prezident maslahatchisi Abdujabbor Abduvohidov, Toshkent shahri hokimi Jahongir Ortiqxo‘jayev, Oliy va o‘rta maxsus ta’lim vaziri o‘rinbosari Mirabbos Inoyatov hamrohlik qilgan.