Gretsiyada qoya plyajga qulab tushdi

Gretsiyada Zakinf orolidagi mashhur Navayo plyajiga qoya qulab tushdi, oqibatda yetti kishi jarohat olgan. Bu haqda “Korrespondent.net” xabar berdi.

Ta’kidlanishicha, kichkina Navayo plyaji Ion orollarining diqqatga sazovor joyi hisoblanadi. U tik qoyalar bilan o‘ralgan va unga faqat qayiqda borish mumkin.

Hodisa aks etgan videoda qoyaning dengizga qulayotgani va dam oluvchilarning qochayotgani ko‘rinadi. Qoya qulashi jarayonida bir nechta qayiq ag‘darilgan.

#navagio #navagiobeach collapse pic.twitter.com/0yO1UANya7

— d3scr1pt0r (@d3scr1pt0r) September 13, 2018

Odamlarning jiddiy jarohatlanmagani xabar berilgan. Ularning aksariyati, shu jumladan, ikki nafar bolaga voqea joyida yordam ko‘rsatilgan. Faqat orqasidan jarohat olgan chexiyalik sayyoh kasalxonaga yotqizilgan.