Rossiyalik mototsikl bilan yurib borayotgan samosvalga sakrab, rekord o‘rnatdi (video)

Rossiyalik Vladimir Yarigin harakatlanayotgan tramplindan harakatlanayotgan “BelAZ 75710” ag‘darma mashinasiga (samosvalga) dunyodagi birinchi FMX-sakrashni amalga oshirib, rekord o‘rnatdi, deb yozadi Motor. U sayyoradagi eng katta yuk avtomobilidir.

Sakrash yerdan 8,75 metr balandlikda amalga oshirildi, to‘xtovsiz harakatlanib turgan ikkita samosval o‘rtasidagi masofa esa 20 metrdan ziyod bo‘ldi. Odatda FMX-sakrashlar qimirlamaydigan konstruksiyalarda bajariladi, ammo bu safar tramplinlar muayyan tezlikda harakatlanishi kerak bo‘lgan “BelAZ”larga o‘rnatildi. Rayder Hart Attack tryukini bajardi, erishilgan yutuq esa Rossiyaning Rekordlar kitobiga kiritildi.