Biolog selfiga tushish uchun timsohni minib oldi

Daniyalik biolog Nils Jensen katta timsohni ovqatga chalg‘itdi va unga minib oldi. Bu haqda “Korrespondent.net” xabar berdi.

Avstraliyada sayohat qilib yurgan biolog katta timsohni ko‘rib qolgan. Uning uzunligi 4,7 metrga, vazni esa 650 kilogrammga yetgan. Erkak hayvonni kichik kenguruning jasadi bilan chalg‘itgan.

Timsoh suvdan chiqib, o‘ljani yeyishni boshlagan vaqtda, Jensen hayvonning ustiga chiqib, dumining asosiga o‘tirib olgan. Keyinroq erkak bu ishni selfiga tushish uchun takrorlagan. Biologning omadi kelgan va jarohat olmagan, chunki bu turdagi timsoh eng katta va xavfli yirtqichlardan sanaladi.

Biologning so‘zlariga ko‘ra, u o‘lim bilan o‘ynashgan, biroq bu arzirli bo‘lgan. Avstraliya rasmiylari biologga murojaat qilgan va u “o‘ziga muammoni so‘rab olgani” haqida ogohlantirgan.