Kanadada jarroh 8 yoshli bemorning iltimosiga ko‘ra o‘yinchoq ayiqni operatsiya qildi

Kanadada sakkiz yoshli Jekson Makki ismli bolakay operatsiyaga ketish chog‘ida neyrojarroh Daniel Maknilidan birdaniga uning duxobadan tayyorlangan Chaqaloq ismli o‘yinchoq ayig‘ini ham operatsiya qilishni so‘radi. Bu haqda shifokor Twitter’da yozdi, deb xabar bermoqda TJournal.

“Operatsiya” chog‘ida Maknili ayiqchaga kislorod niqobini kiydirgan. Shuningdek, u Chaqaloqqa qo‘ltiq yirtilishi tashxisini qo‘ygan va uni tikkan. Shundan keyin ayiqcha bolakayning yonida, osma karavotda qolgan.

Makki kasalxonaga gidrotsefaliya — orqa miya suyuqligining to‘planishi sababli tushgan. Bola bu kasallik bilan tug‘ilganidan buyon og‘riydi. U chaqaloqligidan buyon Maknilida davolanadi. Bu safar boladagi naycha ta’mirlangan. Naycha orqali bolaning orqa miyasidagi ortiqcha suyuqlik chqib ketadi va bosim pasayadi.

Jeksonning ota-onasi jarrohga bolaning o‘zini qulay his qilishi maqsadida “bor imkoniyatlarni” ishga solgani uchun minnatdorchilik bildirgan.