Qozog‘istonga O‘zbekistondan keltirilgan 2,5 tonna xurmo kiritilmadi

Qozog‘iston o‘z hududiga qator respublikalardan keltirilgan qishloq xo‘jaligi mahsulotlarini kiritmadi. Bu haqda “Xalq so‘zi Online” xabar qildi.

“2018-yil 10–12-oktabr kunlari davomida qishloq xo‘jaligi vazirligining o‘simliklar karantini hududiy inspeksiyalari davlat inspektorlari tomonidan Qozog‘iston hududiga Rossiya, Qirg‘iziston va O‘zbekistondan keltirilgan jami 165,5 tonna karantin ostida tushgan mahsulotlarni olib kirishga bo‘lgan 29 ta urinish to‘xtatib qolindi”, — deyiladi xabarda.

Xususan, O‘zbekistondan keltirilgan 2,5 tonna xurmoda karantin obyekti borligi aniqlangan. Ushbu holatlar yuzasidan qoidabuzarlar ma’muriy javobgarlikka tortildi. Karantin ostiga tushgan mevalar eksportchi mamlakatlar hududiga qaytarib yuborilgan.