Qozog‘iston O‘zbekiston, Qirg‘iziston va Rossiyadan keltirilgan 570 tonnadan ortiq meva-sabzavotni qaytardi

Qozog‘iston 3—10-noyabr kunlari O‘zbekiston, Qirg‘iziston va Rossiyadan keltirilgan 570 tonnadan ortiq meva-sabzavotni eksportchi davlatlar hududiga qaytardi. Bu haqda Qozog‘iston qishloq xo‘jaligi vazirligi matbuot xizmati ma’lum qildi, deya xabar beradi UZ24.

Mamlakatga keltirilgan mahsulotlarni tekshirish chog‘ida Qozog‘iston va Yevrosiyo iqtisodiy ittifoqining o‘simliklar karantini sohasidagi qonunchiligi buzilishiga taalluqli 53 holat aniqlandi.

Xususan, O‘zbekistondan keltirilgan mahsulotlarda (19,22 tonna xurmo va 1,8 tonna anor) uch holatda Komstok o‘simlik zararkunandasi aniqlandi. 

Vazirlik matbuot xizmati o‘rnatilgan talablarni buzganlar ma’muriy javobgarlikka tortilganini bildirmoqda.