“Lujniki” Habib va Floyd o‘rtasidagi jangni o‘tkazishga tayyor

Moskvadagi “Lujniki” sport majmuasi UFC chempioni Habib Nurmagomedovning boks bo‘yicha sobiq jahon chempioni Floyd Meyvezer bilan bo‘lishi kutilayotgan jangni o‘tkazishga tayyor, deb yozadi “Sport-Ekspress”.

Qayd etilishicha, sport majmuasi agarda Habib va Floyd o‘rtasidagi jang uchun tanlanadigan bo‘lsa, bellashuvni yuqori saviyada o‘tkazishga tayyorligini ma’lum qilgan. Ammo hozirda mazkur jang borasida hech qanday so‘rov majmua rahbariyatiga kelib tushmagan.

Eslatib o‘tamiz, avvalroq Habib Floydni jangga chorlagan edi. Meyvezer esa bunga rozilik bildirib, jang faqat boks qoidalari bo‘yicha o‘tishini bildirdi. Habib esa Konor bilan jang bo‘lib o‘tgan Nevadada qaytib jang qilmasligini ma’lum qildi.