Italiyada qurollangan erkak pochta bo‘limida odamlarni garovga oldi

Italiyada qurollangan kishi 5-noyabr kuni Redjo-Emiliya shahridagi pochta bo‘limixodimlarini garovga oldi. Bu haqda “Korrespondent.net” xabar berdi.

Ta’kidlanishicha, pichoq bilan qurollangan kishi barcha mijozlarni qo‘yib yuborgan, garovga olingan binoda besh nafar xodim qolgan.

So‘nggi ma’lumotlarga ko‘ra, bo‘limdan bir nafar ayol chiqqan.

Garovga olgan kishi ichki ishlar vaziri va bosh vazir o‘rinbosari Mateo Salvini bilan uchrashuv talab qilmoqda.