Termizda Yoshlarga oid davlat siyosati mavzusida ochiq muloqot tashkil etildi

Termizda O‘zbekiston yoshlar ittifoqi Surxondaryo viloyat kengashi tashabbusi bilan “Yoshlarga oid davlat siyosatini amalga oshirishda siyosiy partiyalarning roli” mavzusida ochiq muloqot tashkil etildi, deb yozadi O‘zA.

Tadbirda O‘zbekiston yoshlar ittifoqi Markaziy kengashi bo‘lim mudiri A.Alimov, mamlakatda faoliyat yuritayotgan siyosiy partiyalarning “Yoshlar qanoti” rahbarlari hamda 300 ga yaqin faol yigit-qiz ishtirok etdi.

Muloqotda har bir siyosiy partiya vakili yoshlarga oid davlat siyosatining mazmun-mohiyati va ahamiyati, yoshlarning siyosiy bilimini oshirish, ularning intilish va tashabbuslarini qo‘llab-quvvatlash borasida amalga oshirilayotgan ishlar xususida so‘z yuritdi. Xususan, O‘zbekiston “Milliy tiklanish” demokratik partiyasi tomonidan tashkil etilayotgan “Xizmat - beminnat”, “Uyma-uy” loyihalari, O‘zbekiston Liberal-demokratik partiyasining “Kelajak deputatlari”, “Yosh tadbirkorlar muammolarini o‘rganish” kabi guruhlari ushbu maqsad yo‘lida xizmat qilmoqda.