Surxondaryoda 40 kunlik o‘g‘il nabirasini 1,5 mln so‘mga sotayotgan erkak ushlandi

Surxondaryo viloyati, Sho‘rchi tumanidagi Jarqishloq mahallasida yashovchi Fotih Sotiboldiyev (ism-sharif o‘zgartirildi) uyida turmushdan ajrashgan 31 yoshli qizining qirq kunlik o‘g‘il farzandini 1,5 million so‘mga sotayotganida huquq-tartibot idoralari xodimlari qo‘liga tushdi. Bu haqda O‘zA xabar berdi.

O‘z nevarasini arzimagan pulga sotishni mo‘ljallagan 51 yoshdagi bu shaxsning qilmishidan mahalladoshlari ham yoqa ushladi.

Ayni paytda F. Sotiboldiyevga nisbatan Jinoyat kodeksining 135-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.