“Yedinaya Rossiya” va Tojikiston hukmron partiyasi o‘zaro hamkorlik to‘g‘risida kelishuv imzoladi
26-fevral, yakshanba kuni Dushanbeda Rossiyaning “Yedinaya Rossiya” partiyasi va Tojikiston Xalq demokratik partiyasi o‘rtasida o‘zaro hamkorlik to‘g‘risidagi kelishuvni tantanali imzolash marosimi bo‘lib o‘tdi. Bu haqda “RIA Novosti” xabar bermoqda.
Tojikiston Xalq demokratik partiyasining raisi Tojikiston prezidenti Emomali Rahmon hisoblanadi.
Hamkorlik haqidagi kelishuvning imzolanishi Rossiya—Tojikiston strategik hamkorligini yanada mustahkamlash imkonini beradi, shuningdek, uning parlamentlar darajasida rivojlanishi uchun yangi turtki beradi.
Sergey Jeleznyak, “Yedinaya Rossiya” bosh kengashi kotibining o‘rinbosari
Tadbir yakunlangandan so‘ng Rossiya va Tojikiston partiyalari vakillari a’zolar va partiya faollarining tantanali yig‘ilishini o‘tkazdi. Unda ishtirok etganlar imzolangan kelishuvning ijtimoiy-siyosiy ahamiyati haqida xabardor etildi. “Daryo”ning Telegram’dagi rasmiy kanali — @toshqindaryo’ga a’zo bo‘ling!