Termizda “O‘zbekiston Respublikasini innovatsion rivojlantirish strategiyasi – taraqqiyot omili” mavzuida seminar bo‘lib o‘tdi

Termizda “O‘zbekiston Respublikasini innovatsion rivojlantirish strategiyasi – taraqqiyot omili” mavzuida seminar bo‘lib o‘tdi. Bu haqda O‘zA xabar bermoqda.

O‘zbekiston Respublikasi Oliy Majlisi Qonunchilik palatasining Innovatsion rivojlanish, axborot siyosati va axborot texnologiyalari masalalari qo‘mitasi tomonidan tashkil etilgan tadbirda Surxondaryo viloyatidagi mahalliy davlat hokimiyati organlari, fuqarolik jamiyati institutlari vakillari, oliy o‘quv yurtlari professor-o‘qituvchilari, talabalar ishtirok etdi.

Unda Termiz davlat universiteti rektori, senator A.Toshqulov, Oliy Majlis Qonunchilik palatasi deputatlari Sh.Sharofuddinov, Sh.To‘xtaboyev va boshqalar ishtirok etdi.

Seminarda mamlakatni innovatsion rivojlantirish dasturining mazmun-mohiyati xususida atroflicha fikr almashildi. Sohalar mutaxassislari ishtirokchilarni qiziqtirgan savollarga javob berdi.